الحمد لله والصلاة والسلام على أشرف الخلق سيدنا مُحمد عليه أفضل الصلاة والسلام
أما بعد:
عزيزي القاريء
هل حمدت ربك اليوم؟
احمد ربك على النعم العظيمة التي رزقك إياها
أولها نعمة الأمان..
إنك تبقى نايم في بيتك آمن مش قلقان ولا مُهدد ولا خايف.
احمد ربنا أن عندك بيت بيأويك وحط خط تحت كلمة (بيت بيأويك).
احمد ربنا إنك جنبك أهلك وأحبابك مُعافين في حضنك ومش قلقان عليهم.
احمد ربنا إنك بتقوم من نومك عندك فطارك تقدر تفطر وتشرب كوباية شايك أو قهوتك.
احمد ربنا إنك عندك شُغلك ومكان عمل بتسترزق منه وبتجيب قوت أهل بيتك.
احمد ربنا إنك بتبقى ماشي في الشارع آمن مش خايف من أي شيء يهدد حياتك.
احمد ربنا أن عندك دولة موفرة لك رغيف عيش بتروح تشترية ومش بتقف في طوابير زحمة طوال اليوم عشان تحصل عليه.
احمد ربنا إنك لما بتمرض بتلاقي مستشفى تعالجك على نفقتها.
وأصلًا كفاية إنك عايش في وطنك آمن مش مُهجر أو مُشرد.
نعمة الوطن نعمة كبيرة جدًا محتاجة منك شكر دائم لله.
احنا عندنا نعم كتير جدًا
فبلاش نبقى وحشين كده وشايفين كل شيء وحش والدنيا سودة وناقمين على عيشتنا.
إذا كنت محروم من نعمة فعندك مليون نعمة غيرها.
النعمة اللي ممكن تكون محروم منها، قد تكون هي إختبارك أو إبتلائك في الدنيا.. يبقى لازم تتعامل مع اختبارك صح مش تسخط وتنقم وتعترض.
فضل ربنا علينا كتير جدًا
احمدوا ربنا على كل نعمة عندكم
نعم ربنا علينا لا تُعد ولا تُحصى.
قَالَ النَّبِيَّ -صَلَّى اللَّهُ عَلَيْهِ وَسَلَّمَ-: « مَنْ أَصْبَحَ مِنْكُمْ آمِنًا فِي سِرْبِهِ مُعَافًى فِي جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا بِحَذَافِيرِهَا»
إذا كانت كل هذه النعم دائمة وبحوزتنا .. فوَجَبَ علينا أن نشكر الله كثيرًا على بقائها وتمتعنا بها .
اللهم لك الحمد على ما أعطيتنا وعلى ما منعتنا .. إنك صاحب الفضل العظيم .
اللهم إنا نعوذ بك من زوال نعمتك وتحول عافيتك وفجاءه نقمتك وجميع سخطك.
عن الكاتب
موضوعات الكاتب
- مقالات2024.05.29هل حمدت ربك اليوم
- مقالات2024.05.16دعوة للحب
- خواطر2024.03.17أمنيتي
- مقالات2024.01.20طباع الشخصية النرجسية