الحُب أُكسجين الحياة، الحُب حياة، الحُب إعمار، عمر حياتك بالحُب والرحمة والمودة، الحُب إنك تُحب طاعتك لربك.
الحُب إنك تتقرب لرب العالمين بما يُحب ويرضى، أقبل على الحياة بالتفائل، والأمل، والرضا، واليقين، وحُسن الظن بالله.
وأيضًا الحُب لما تلاقي الإنسان اللي بيخاف عليك ويقدرك ويهتم بك وبمشاعرك، يُسعدة ما يُسعدك ويُحزنه ما يُحزنك.
حب كل شئ حولك، حب دُنيتك، حب عبادتك، حب أحبابك، حب عمل الخير، حب جبر الخواطر، حب الكلمه الطيبة، بدون حُب مش هتقدر تكمل.
قول الكلمة الحلوة اللي تراضي وتسعد بها غيرك، الكلمة الحلوة والحُب ممكن يمسح متاعب الإنسان وتخليه قادر يستمر في حياته بشكل أرقى وأجمل.
الكلمة الحلوة لها تأثير أكبر من أي قوة، الكلمة الحلوة بتشجع الناس على التقدم وتعطيهم ثقة في أنفسهم.. الحب والكلمة الحلوة بتمسح متاعب الإنسان.
وللأسف في زماننا هذا أصبح نادر اللي بيقول الكلمة الحلوة.. بقى كل إنسان مشغول بنفسة وبمشاغلة، وترك من يستحق منة الاهتمام بحجة متاعب الحياة وصعوبتها.
بقى نادر لما نشوف زوج بيقول كلمة حلو يراضي بها زوجته، بقى نادر لما نطيب خاطر أحبابنا بكلمة طيبة.
الناس بدون تشجيع وكلمة حلوة واهتمام وحب وجبر خاطر
مش هتقدر تكمل، مش هتقدر تستمر .
تعالوا نبدأ من جديد.. تعالوا نسامح بعض، ونخلي في قلوبنا حُب ورحمة.
تعالوا نشيل الكُره والغل والحقد اللي أصبح موجود بينا.. تعالوا نحاول نبقى شبه أهالينا اللي راحو.. تعالوا نحب بعض بعيوبنا جايز نتصلح وينصلح حالنا ..
كتبت مقالي ده دعوة للحب.. دعوة للكلمة الحلوة .. دعوة للتشجيع على جبر الخواطر..
ابدأ بنفسك متنتظرش غيرك يتغير.. ابدأ أنت عمارة الأرض بالحب والرحمة.
عن الكاتب
موضوعات الكاتب
- مقالات2024.05.29هل حمدت ربك اليوم
- مقالات2024.05.16دعوة للحب
- خواطر2024.03.17أمنيتي
- مقالات2024.01.20طباع الشخصية النرجسية