كشف صالح جمعة لاعب النادي الأهلي الأسبق ولاعب نادي سيراميكا كيلوباترا الحالي لبرنامج الريمونتادا عبر قناة المحور عن الفترة التي قضاها داخل الأهلي، وعن محاولة الزمالك التعاقد معه.
وقال جمعة: سيراميكا نادي محترم جدًا والإدارة محترمة والناس بتعاملنا بشكل ممتاز وأحمد سامي على المستوى الشخصي يتعامل معنا بشكل رائع وبيحل مشاكل اللاعيبة.
وأكمل جمعة: أحسن 5 سنين ونص في الملاعب بالنسبة لي لما كنت في النادي الأهلي، لحد النهاردة بتابع النادي الأهلي وأمنيتي لحد انهاردة إني أرجع الأهلي.
وأردف جمعة: كان في مدربين في الأهلي علاقتي بيهم كويسة جدًا وفي مدربين اتعاملوا معايا بشكل مختلف وطلعوا أحسن حاجة في صالح وفي مدربين العكس عشان كدة مكانش في بينا تفاهم.
وأوصل: العلاقة فعلًا كانت متوترة بيني وبين فايلر فوجئت من ساعة قدومه حتى في التقسيمات بيخرجني، سيد عبد الحفيظ اتكلم معاه وكان أسلوبه معايا صعب شوية وفضلت 6 شهور في الجيم تحت قيادته.
وواصل جمعة: أنا فاضلي سنتين في سيراميكا بعمل اللي عليا ومنتظر نهاية الموسم أشوف الدنيا فيها إيه، وأحمد سيد زيزو معجب جدًا بأدائه.
وأختتم جمعة: كان في كلام مع الزمالك عن طريق عبد الله جمعة أخويا وعن طريق وكلاء بيتكلموا مع الزمالك، هوافق طبعا لو جالي عرض رسمي من الزمالك فهو نادي كبير وجماهيرية كبيرة وإدارة كبيرة، والزمالك شرف لأي حد.
عن الكاتب
موضوعات الكاتب
الكوره المصريه2023.07.08الزمالك يقلب الطاولة ويحقق فوز صعب على فيوتشر
الكوره المصريه2023.07.08فخري وقندوسي يقودان تشكيل الأهلي لمواجهة الاتحاد بالدوري
الكوره المصريه2023.05.24مفاجآت كأس مصر.. النجوم يطيح بالإسماعيلي من البطولة
الكوره المصريه2023.05.22غيابات بالجملة.. التشكيل المتوقع لنادي الزمالك لمواجهة الداخلية
عن الكاتب
