فنانة الصعيد "انجي خليل والفن" - اشعار خبر تقارير فنانة الصعيد "انجي خليل والفن" اشعار خبر

أنا اسمي انجي خليل من محافظة أسيوط عندي ١٩ سنة، موهبتي الرسم فطرية دون دراسات أو أخذ كورسات.

كنت بعلم نفسي بنفسي في طريقي قابلتني عقوبات كتير وكلام فيه تحطيم، ومع ذلك مأهملتش في الرسم.

كنت أرسم على أي حاجه زي منديل أرسم عليه أو كراسة خاصة بالدراسة أو على الحائط، وأبويا كان العامل الرئيسي في إني أكمل ولو الرسمة مش حلوه كان يقول لا حلوه كملي هتكوني فنانه.

وعشانه طورت من نفسي وابتديت اتصاحب على فنانين واتعلم منهم يعطوني نصايح تساعدني في الرسم وبعدها بقيت ارسم بورتريهات واستغل الموهبة في أنها تكون مصدر شغل ليا واعتمد على نفسي
وأساعد أهلي في مصاريف الكليه بتاعتي.

وبدأت اتشهر وبسبب الرسم اتعرفت على ناس كتير جميلة وفنانين ليهم مكانة عالية، والبعض من الناس لقبوني بفنانه الصعيد، بتمنى يكون ليا اسم وأثبت نفسي.

ونصيحتي لكل حد بيمتلك موهبة يستمر وميستسلمش أبدًا، اللي بتعمله بشغف هو فن اعتمد على نفسك وخليك واثق إنك هتكمل وهتنجح رغم المصاعب فكل تعب واصرار يخلفه نجاح وتميز.