الجمال - نبض الجمهور الان خواطر الجمال نبض الجمهور الان

_متعيطيش يا جميل

=(بستغرب) لي وأنت مين_عشان عيونك الحلوين دول مش ينفعوا يعيطوا وبعدين يا ستي أنا عفريت طيب ينفع اقعد معاكي (بدموع وضحكة بسيطه) ينفع بس أنا زعلانة_(مسح الدموع) ولو حتى زعلانة متعيطيش

=هو أنا وحشة_مين قال كدا لو كنتي وحشة كان ربنا خلقك ليه

=اومال ليه كل ما حد يشوفني يقولي يا سمرا ويا قصيرة ويقعدوا يتريقوا عليا_(بابتسامة) تعرفي يا سمارة إنك أجمل بنت شوفتها وأنا أسمر زيك أهو وبعدين السمار نص الجمال والقصيرين أميرات

=(بابتسامه طفولية) بجد يا عمو بس أيوة صح بس أنت أحلى مني _بجد يا روح عمو السمار نص الجمال وأنتي سمارك مخليكي الجمال كله ربنا ميزك عن ناس كتير بسمارك دا أقولك على حاجة بقى

=نعم_لما تكبري هتلاقي العرسان عليكي كتير والبنت يا حبيبتي مش هتبقى في عيون الناس أو في عيون حبيبها بشكلها ولا جسمها اللي هيحبك هيحبك زي ما أنتي بسمارك بكلامك بطبيعتك بأخلاقك أهم حاجة تحافظي على أخلاقك وجسمك من الناس اللي عيونهم وحشة وأوعي تعقدي نفسك من كلام الناس ربنا له حكمة حلوة أوي في جمالك دا واحنا عمرنا ما نزعل من حاجة ربنا خلقنا ليها ونقول الحمدلله صح؟

=بابتسامة صح يا عمو أنا خلاص مش زعلانة وهقول لصحابي أن عندي صاحب حلو أوي وأسمر زي وهقولهم الكلام اللي أنت قولتله _(بابتسامة) أنتي اسمك أي

=(بطفولة) فرحة_وأنا اسمي علي ممكن بقى يا فرحة مش أشوفك بتعيطي تاني

=حاضر يا عمو ولو عندك بنوتة خليها تيجي تلعب معانا _هههههه لما اتجوز الأول بقى يا حبيبتي أي رأيك اتجوزك أنتي، أنتي خسارة في العيال اللي بتلعبي معاهم دول

=(بضحك) عيب يا عمو أنا لسه صغيرة لسه عندي مستقبل كبير وأنا عاوزة أكون دكتورة زي بابي الله يرحمه _أنتي أشطر بنوتة شوفتها هبقى أجيلك تاني عشان أشوفك دكتورة يا دكتورة

=اتفقنا يا عمو يلا بايالجمال جمال الروح والقلب ليس شكل أو لون 🤍